حيةٍ من فوق حيه
[poem=font="times new roman,6,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
حيةٍ من فوق حيه والزجاجه بالزجاجه= تعكس الصوره بعين وعين لايمكن تشوفه بدوي وفارسي ومغربيٍ والخواجه= لو يلوح بعينك اليمنى يروعنك وصوفه فالبيوت وفالجبال وفالبحر يلقى نفاجه= والبيوت اللي سكنها بالتواصيف معروفه الحديد يذوب وجمره فجرّت بيض الدجاجه= من نظرها في عيونه في دقيقه راح خوفه ما يغيب بحال لامن صار له وياك حاجه= مايرده عنك باب ولايرده عنك طوفه ياظلام الليل لك نورٍ يزيحك بانبلاجه= للعوارف نور ساطع شال حمله في كتوفه ان سكن بارض الجزيره بالعرب ياخذ خراجه= حامي الضلعين باسمه واحتماها في سيوفه ناس تضحك له وناسن يختلف منها مزاجه=داخلٍ في جوفها لكن ماتدخل في جوفه من يفك العود فوق العود لاصار امتزاجه= من يحلل فالكلام ومن يحلل في حروفه غير حيٍ ما عليه من الصفا قبل العجاجه= لو يعيش بنجد فارس كلها صارت ضيووفه من بلاد الغرب وصنعا رحلته جده وطاجه= للشجر والارض واهل البحر صوره في كفوفه شامته من فوق عينه وين عينه من حجاجه= له ثلاثٍ من ثلاث وبالتواصيف معكوفه جوري وياقوت في حائل وجرح ٍ مع علاجه=قمة طويق المسمى كبريائه مع شفوفه عينه لصرح ٍ قديم وذكرياته هي سراجه=قام يضحك لليالي والتفاكير مخطوفه مابقى الا الرسم الاول في محل ٍ به سياجه=الرياح الموسميه كل ماهبت تلووفه المصيبه انه جفول ليا طلبناه المواجه= وان لزمته لزم واجزم صاح وردنه ظروفه خاتم سليمان من يلقاه يبشر بانفراجه= حبةٍ بين الرياح وبالبحر جات محذوفه[/poem] |
الساعة الآن 09:27 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar