لــو مــانــي بــمــســلــم ...
 

[poem=font="simplified arabic,5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
يامنية الـروح وشهولـه تعنينـي=مافيه غيـرك يأثـر فينـي ابعـاده
وادعتني بالخميس وجيت الاثنينـي=من بعد غيبة ثمان شهـور وزيـاده
إن كان لي خاطر ٍ ياكامل الزينـي=إرحم خفوق ٍ به النيـران وقـاده
لاعاد تطري الفـراق ولاتخلينـي=ترا السهر صارلي من سبتك عـاده
دام انت من بين خلق الله مصافيني=ومالي مع الغير لا شـف ٍ ولاراده
وشله تغيب وتفارق يانظـر عينـي=أسْهَركْ والناس كل ٍ صافي رقـاده
من يوم مارحت عني وقبل لاتجينـي=والقلب مظلم , ومعلن يمك إحداده
يا أنوار قلبـي وشريـان ٍ يغذينـي=لو ماني بمسلـم ٍ عبدتـك عبـاده
حبك مع الدم يجري في شرايينـي=والقلب لامن سرح تسمع تنهـاده
اقـوم واطيـح واتخيـل تنادينـي=واقوووول لبيه , حلاله وعقـاده
وإليا ذكرت الحقيقه ! وينك وويني؟=ويطيحلك خافق ٍ مكسور ٍ فـؤاده
مغير اهوجس بحبك وانت ناسيني؟=كن روحي بروحك مقيدة ٍ قيـاده
ماشوف غيرك وحبك ساكن ٍ فيني=مكتوب ٍ لخافقي من يوم ميـلاده
ماجيتلك بالردى , ودرب الخبيثيني=القلب جالك بسلم وعادة اجداده
وماني بناسيـك دام الله معافينـي=لينه يجيني ملاك المـوت وشـداده [/poem]